பொது இடங்களில் கழிவுகளை கொட்டினால் சிக்கல்

-சுப்பிரமணியம் பாஸ்கரன்

கிளிநொச்சி - உமையாள்புரம் பகுதியில், கழிவுகளைக் கொட்டுவதற்கு ஒதுக்கப்பட்டுள்ள இடம் தவிர்ந்த ஏனைய இடங்களில் கழிவுகளைக் கொட்டுவோருக்கு எதிராக நடவடிக்கை எடுக்கவுள்ளதாக, கரைச்சி பிரதேச செயலாளர் கணேசன் கம்சநாதன் தெரிவித்துள்ளார்.

இது தொடர்பாக, தொடர்ந்து கருத்துத் தெரிவித்த அவர்,

“பிரதேச சபையால் கழிவுகளை கொட்டுவதற்கென, உமையாள்புரம் பகுதியில், ஏ-9 வீதியிலிருந்து ரயில் வீதியை, கடந்த இரண்டு கிலோமீற்றர் தொலைவில், 10 ஏக்கர் காணி ஒதுக்கப்பட்டுள்ளது.

“இருந்தபோதும் சிலர், கழிவுகளை ஒதுக்கப்பட்ட இடங்களில் கொட்டாது வேறு இடங்களில் கொட்டுகின்றனர். இவ்வாறு கொட்டுவோருக்கு எதிராக நடவடிக்கை எடுக்கப்படும்” என்றார்.