பெண்கள் உளவளத்துறை தொடர்பான விழிப்புணர்வு கருத்தரங்கு

-சுப்பிரமணியம் பாஸ்கரன்

சிறுவர் மற்றும் பெண்கள் அமைச்சின் ஏற்பாட்டில், கிளிநொச்சி மாவட்டத்திலுள்ள பெண் தலைமைத்துவக் குடும்ப பெண்களுக்கான உளவளம் தொடர்பான விழிப்புணர்வு கருத்தரங்கு, அமைச்சின் கிளிநொச்சி இணைப்பு அலுவலகத்தில் இன்று செவ்வாய்க்கிழமை (10) நடைபெற்றது.

கிளிநொச்சி மாவட்ட பொது வைத்தியசாலை உளவள வைத்தியதிகாரி ரி.ஜெகரூபன், உளவளத்துறையில் மாவட்ட இணைப்பாளர் ரி.சுவர்ணமுகி ஆகியோர் வளவாளராகக் கலந்துகொண்டு, பெண்களுக்கான விழிப்புணர்வுகளை மேற்கொண்டார்.

கிளிநொச்சி மாவட்டத்திலுள்ள பெண் தலைமைத்துவப் பெண்கள் உடல், உள ரீதியாக பாதிக்கப்பட்டுள்ளனர். அத்துடன், பெண்கள் தற்கொலை செய்யும் சம்பவங்களும், அவர்களுக்கு பாதுகாப்பு இல்லாத சந்தர்ப்பங்களும் அதிகரித்துள்ளன. இதனைக் கருத்திற் கொண்டே இந்த விழிப்புணர்வு கருத்தரங்கு நடத்தப்பட்டுள்ளது.