பிரதேச ஒருங்கிணைப்புக் குழுக்கூட்டங்களை இரு வாரங்களில் நடத்த தீர்மானம்

-நடராசா கிருஸ்ணகுமார், சண்முகம் தவசீலன்

முல்லைத்தீவு மாவட்டத்தின் 5 பிரதேச செயலாளர் பிரிவுகளுக்கான பிரதேச ஒருங்கிணைப்புக் கூட்டங்களை, இரண்டு வாரங்களுக்கு ஒருமுறை நடத்த வேண்டும் என இன்று வியாழக்கிழமை (02) இடம்பெற்ற, முல்லைத்தீவு மாவட்ட ஒருங்கிணைப்புக் குழுக்கூட்டத்தில் தீர்மானிக்கப்பட்டுள்ளது.

முல்லைத்தீவு மாவட்ட ஒருங்கிணைப்புக் குழுக்கூட்டம், இணைத் தலைவர்களான வடமாகாண முதலமைச்சர் சி.வி.விக்னேஸ்வரன், கைத்தொழில் மற்றும் வாணிப அமைச்சர் ரிஷாட் பதியூதீன், நாடாளுமன்ற உறுப்பினர்களான சி.சிவமோகன், கே.மஸ்தான் ஆகியோர் தலைமையில், இன்று காலை 10 மணிக்கு ஆரம்பமாகி நடைபெற்றது. இதன்போது, பிரதேசத்தின் அபிவிருத்தி, வீட்டுத்திட்டங்கள் தொடர்பில் விரிவாக ஆராயப்பட்டன.

முல்லைத்தீவு மாவட்டத்தின் கரைத்துறைப்பற்று, மாந்தை கிழக்கு, ஒட்டிசுட்டான், புதுக்குடியிருப்பு, வெலிஓயா ஆகிய 5 பிரதேச செயலகங்களின் பிரதேச ஒருங்கிணைப்புக் கூட்டங்கள் இதுவரை நடாத்தப்படாமையால் அபிவிருத்தி, வீட்டுத்திட்டங்கள் தொடர்பில் தீர்மானிக்க முடியாத நிலை காணப்பட்டது. எனவே, பிரதேச ஒருங்கிணைப்புக் கூட்டங்களை இரண்டு வாரங்களுக்குள் நடத்த வேண்டும் என தீர்மானிக்கப்பட்டது.