‘மடு சதொசவை மூடும் தீர்மானத்தை பிற்போடவும்’

-க.அகரன்

மன்னார் - மடு பிரதேச செயலகப் பிரிவில் இயங்கிவரும் லங்கா சதொசவை மூடுவதற்கு எடுக்கப்பட்டுள்ள தீர்மானத்தை 6 மாதங்களுக்குப் பிற்போடுமாறு, வன்னி மாவட்ட நாடாளுமன்ற உறுப்பினர் செல்வம் அடைக்கலநாதன் வலியுறுத்தியுள்ளார்.

அத்துடன், மக்களின் நலன் கருதி, மன்னார் – நானாட்டானில், லங்கா சதொச ஒன்றையும் ஆரம்பித்து வைக்குமாறும், அவர் கோரிக்கை விடுத்துள்ளார். 

மன்னார் மாவட்டத்தில், லங்கா சதோச நிறுவனங்களின் தேவை குறித்து, வர்த்தக அமைச்சர் பந்துல குணவர்தனவுக்கு செல்வம் அடைக்கலநாதன், இன்று (30) அனுப்பிவைத்துள்ள கடிதத்திலேயே, இவ்வாறு தெரிவிக்கப்பட்டுள்ளது.