மன்னாரில் 200 பேருக்கு பரிசோதனை

-எஸ்.றொசேரியன் லெம்பேட்

மன்னார் - எருக்கலம்பிட்டி கிராமத்தில் ஒரே குடும்பத்தைச் சேர்ந்த 5 பேரூக்கு கொரோனா வைரஸ் தொற்று உறுதி செய்யப்பட்ட நிலையில், இன்றைய தினம் (6) மதியம் 1.30 மணியளவில், மன்னார் புதிய பஸ் தரிப்பிடத்தில், மக்களிடம் எழுந்தமானமாக பி.சி.ஆர் பரிசோதனை முன்னெடுக்கப்பட்டுள்ளது.

மன்னார் மாவட்ட பிராந்திய சுகாதார சேவைகள் பணிமனையின் ஏற்பாட்டில், பஸ்; சாரதிகள், நடத்துனர்கள், உணவகம், வர்த்தக நிலையங்களில் கடமையாற்றுபவர்கள், ஓட்டோ சாரதிகள்,  பயணிகள் என 200க்கும் மேற்பட்டோரிடம் எழுந்தமானமாக பி.சி.ஆர் பரிசோனைகள் மேற்கொள்ளப்பட்டன.