மாதிரி வாக்களிப்பு

-செ.கீதாஞ்சன், சண்முகம் தவசீலன்

வன்னி தேர்தல் தொகுதிக்கான மாதிரி வாக்களிப்பு நடவடிக்கை, முல்லைத்தீவு - ஒட்டுசுட்டான் இந்து தமிழ்க் கலவன் வித்தியாலயத்தில், இன்று (15) முற்பகல் 10 மணிமுதல் நண்பகல் 12 மணிவரை நடைபெற்றது.

ஒட்டுசுட்டான் பிரதேசத்தில், 250 வாக்காளர்களை இலக்கு வைத்து முன்னெடுக்கப்பட்ட இந்த மாதிரி வாக்களிப்பில், 124 வாக்காளர்கள் மாத்திரமே வாக்களித்துள்ளனரெனத் தெரிவித்த முல்லைத்தீவு மாவட்ட உதவி தேர்தல் ஆணையாளர் க.காந்தீபன், கிழமை நாள் என்பதாலேயே, பொதுமக்களின் வருகை குறைவாகக் காணப்பட்டதெனவும் கூறினார்.