மூன்று முறிப்பு இணைப்பு வீதி புனரமைப்பு

-சுப்பிரமணியம் பாஸ்கரன்

வவுனியா - பாலமோட்டை மூன்றுமுறிப்பு இணைப்பு வீதி வடக்குமாகாண அபிவிருத்தி நன்கொடை நிதியொதுக்கீட்டின் கீழ் 6.7 மில்லியன் ரூபாய் செலவில் புனரமைக்கப்;பட்டு வருகின்றது.

வவுனியா மாவட்டத்துக்குட்பட்ட பாலமோட்டை -  மூன்று முறிப்பு இணைப்பு வீதி கடந்த பல ஆண்டுகளாக புனரமைக்கப்படாத நிலையில் காணப்பட்டதுடன், இதனூடாக பயணிக்கும் மக்கள் தினமும் பல்வேறு சிரமங்களை எதிர்கொண்டுவருகின்றனர்.

இந்நிலையில், வடமாகாண சபையின் 2016 ஆம் ஆண்டுக்கான மாகாண அபிவிருத்தி நன்கொடைநிதியின் கீழ் 6.7 மில்லியன் ரூபாய் செலவில் புனரமைக்கப்பட்டு வருகின்றது.

குறித்த வீதியானது கடந்த காலங்களிலும் தற்போதும் பாலமோட்டை, நவ்வி, குஞ்சுக்குளம், மடத்து விளாங்குளம் ஆகிய கிராமங்களைச் சேர்ந்த மக்களின் அன்றாட அடிப்படைத் தேவைகளுக்கு பயன்படுத்தப்படும் ஒரு வீதியாக காணப்படுகின்றமை குறிப்பிடத்தக்கது.