விபத்தில் இளைஞர் பலி

- க.அகரன்

வவுனியா, விநாயகபுரம் பகுதியில் இடம்பெற்ற விபத்தில் இளைஞன் ஒருவர் சம்பவ இடத்திலேயே உயிரிழந்துள்ளார் என நெளுக்குளம் பொலிஸார் தெரிவித்தனர்.

நேற்று (25) இரவு இடம்பெற்ற இச்சம்பவத்தில் வவுனியா, அரபாநகர் பகுதியை சேர்ந்த சஜா என்ற 28 வயதுடைய இளைஞரே இவ்வாறு உயிரிழந்துள்ளார்.

குறித்த இளைஞர் பயணித்த மோட்டார் சைக்கிள் வேகக்கட்டுப்பாட்டை இழந்து மரத்துடன் மோதி விபத்துக்குள்ளாகியுள்ளது.

மேலதிக விசாரணைகளை நெளுக்குளம் பொலிஸார் மேற்கொண்டு வருகின்றனர்.