வெளிநோயாளர் பிரிவு திறந்து வைப்பு

க.அகரன்

வவுனியா புளியங்குளம் பிரதேச வைத்தியசாலையின் வெளிநோயாளர் பிரிவு வடமாகாண முதலமைச்சர் சி.வி.விக்னேஸ்வரனால் இன்று (22) திறந்து வைக்கப்பட்டுள்ளது.

சுகாதார சேவையினை வலுப்படுத்தும் நோக்கில், எய்ட்ஸ், நீரிழிவு, மலேரியா நோய்களை அழித்தொழிப்பதுக்கான கருத்திட்டத்தில், சுமார் 26 மில்லியன் ரூபாய் செலவில் இக்கட்டடம் அமைக்கப்பட்டுள்ளது.

இந்நிகழ்வில் வடமாகாண சுகாதார அமைச்சர் ஞா.குணசீலன், நாடாளுமன்ற உறுப்பினர் ச.சிவமோகன், வடமாகாண சுகாதார பணிப்பாளர் வைத்திய கலாநிதி எஸ்.கேதீஸ்வரன், உட்பட பலர் கலந்து கொண்டனர்.