வைத்தியரை அச்சுறுத்திய சந்தேகநபருக்கு வலை வீச்சு

கிளிநொச்சி - கண்டாவளை பொது வைத்திய அதிகாரியை அச்சுறுத்திய சந்தேகநபர்களை கைது செய்வதற்கு நீதிமன்ற அனுமதி வழங்கியுள்ளதாக தர்மபுரம் பொலிஸார் தெரிவித்துள்ளனர். 

கண்டாவளை பிரதேச  வைத்திய அதிகாரியை தொலைபேசியில் தொடர்பு கொண்டு அச்சுறுத்தியதுடன் அவரது விடுதிக்கு வாகனத்தில் சென்ற சிலரும் அவரை அச்சுறுத்தியமை  தொடர்பில் தரும்புரம்  பொலிஸ் நிலையத்தில் முறைப்பாடு பதிவு செய்யப்பட்டது.

இதில், பிரதான சந்தேகநபரை கைது செய்யும் பொருட்டு நீதிமன்ற அனுமதி பெறப்பட்டிருப்பதாக தெரிவித்த தர்மபுரம் பொலிஸார்,

குறித்த  சம்பவத்தின் போது கடமையிலிருந்த ஏனையவர்களிடமும் வாக்குமூலங்கள் பதிவு   செய்யப்பட வேண்டியதுடன், சிசிடிவி கெமரா ஒளிப்பதிகள் தொடர்பிலும் விசாரணைகள் மேற்கொள்ள வேண்டியிருப்பதாகவும் பொலிஸார் தெரிவித்துள்ளனர்.