11,000 ஏக்கரில் 1,050 ஏக்கர் மட்டுமே மேய்ச்சல் தரவைக்கானது

 நடராசா கிருஸ்ணகுமார்

முல்லைத்தீவு மாவட்டத்தில் 11,000 ஏக்கர்; மேய்ச்சல் தரவைக்கான நிலம் தேவைப்படும் நிலையில் 1,050 ஏக்கர் நிலம் மட்டும் மேய்ச்சல் தரவைக்கான நிலமாக இனங்காணப்பட்டு உள்ளதாக முல்லைத்தீவு மாவட்டச் செயலர் ரூபவதி கேதீஸ்வரன் தெரிவித்தார்.

முல்லைத்தீவு மாவட்டத்தில் பிரதானமாக கால்நடை வளர்ப்பு காணப்படும் நிலையில் மேய்ச்சல் தரவைப் பிரச்சனை முக்கியமாகவுள்ளது.
இந்நிலையில் வனவளத் திணைக்களத்தினூடாக  மேய்ச்சல் தரவைகளுக்கான நிலங்களைத் தேடுவதற்கான முயற்சிகளில் ஈடுபட்டப்போது இதுவரை, 1050 ஏக்கர் நிலம் மட்டுமே மேய்ச்சல் தரவைக்காக இனங்காணப்பட்டுள்ளதாக அவர் கூறினார்.

ஏனைய நிலங்களைத் தேடுவதற்கான முயற்சிகளில் ஈடுபட்டுள்ளதாகவும் இனங்காணப்பட்டுள்ள நிலங்களை மேய்ச்சல் தரவைகளாக மாற்றுவதற்கு நிதி தேவைப்படுவதாகவும் மாவட்டச் செயலர் தெரிவித்தார்.

எனினும் எவ்வளவு தொகை நிதி தேவைப்படும் என்பது தொடர்பில் இதுவரை தீர்மானிக்கவில்லை எனவும் அது தொடர்பிலான ஆய்வுகள் மேற்கொள்ளப்பட்டு வருவதாகவும் அவர் கூறினார்.