முதிரை மரக்குற்றிகளை மரக்கூட்டுத்தாபனத்திடம் ஒப்படைக்குமாறு உத்தரவு

-சுப்பிரமணியம் பாஸ்கரன்

கடத்திச் செல்லப்பட்ட மரக்குற்றிகளை மரக்கூட்டுத்தாபனத்திடம் ஒப்படைக்குமாறு உத்தரவிட்ட கிளிநொச்சி நீதிவான் நீதிமன்ற நீதவான் ஏ.ஏ.ஆனந்தராஜா, மரக்குற்றிகளை கடத்திய சந்தேகநபரை எதிர்வரும் ஜூலை மாதம் 1 ஆம் திகதி வரை விளக்கமறியலில் வைக்குமாறும் உத்தரவிட்டார்.

நேற்று வெள்ளிக்கிழமை (17) அதிகாலை, வனவள திணைக்கள அதிகாரிகள் மேற்கொண்ட சுற்றிவளைப்பின்போது, கிளிநொச்சி - அக்கராயன் 4ஆம் கட்டை பகுதியில் இருந்து வந்த லொறியை சோதனைக்குட்படுத்திபோது, தேங்காய்களுக்குள் சுமார் 5 இலட்சம் ரூபாய் பெறுமதியானமுதிரை மரக்குற்றிகளை கடத்திச்செல்லப்பட்டமை கண்டிப்பிடிக்கப்பட்டது.

இதன்போது, சந்தேகத்தின் அடிப்படையில் ஒருவர் கைது செய்யப்பட்டார்.

கைது செய்யப்பட்ட நபரை நீதிமன்றத்தில் நேற்று வெள்ளிக்கிழமை ஆஜர்படுத்திபோதே இவ்வாறு உத்தரவு பிறப்பிக்கப்பட்டது.