வான் தடம்புரண்டு விபத்து

-எஸ்.என்.நிபோஐன்

கிளிநொச்சி மத்திய மகா வித்தியாலயத்துக்க முன்பாக, ஹயஸ் ரக வான்  தடம்புரண்டு விபத்துக்குள்ளானதில், வாகன சாரதி சிறு காயங்களுடன் உயிர் தப்பியுள்ளார்

கிளிநொச்சி, திருநகர் பகுதியில் இருந்து  ஏ9 வீதி ஊடாக இரணைமடு நோக்கி  சென்றுகொண்டிருந்த போது, வீதியை குறுக்கறுத்து நாயொன்று சென்றுள்ளது.

நாய் மீது மோதாமல் விலகிச் செல்ல முற்பட்ட போது, வேகக்கட்டுப்பாட்டை இழந்து வான் தடம்புரண்டுள்ளது

வாகனம் பெரும் சேதங்களுக்கு உள்ளான நிலையில், மேலதிக விசாரணைகளை கிளிநொச்சி பொலிஸார் மேற்கொண்டுவருகின்றனர்.