பாலை மரங்களை வெட்டியவர்களுக்கு அபராதம்

கிளிநொச்சி முட்கொம்பன் காட்டுப் பகுதியில் அனுமதிப்பத்திரமின்றி பாலை மரங்களை வெட்டிய 4 பேருக்கு தலா 20,000 ரூபாய் அபராதம் விதித்து கிளிநொச்சி நீதவான் நீதிமன்ற நீதவான் எம்.ஐ.வகாப்தீன், செவ்வாய்க்கிழமை (26) தீர்ப்பளித்தார்.

குறித்த நால்வரும், திங்கட்கிழமை (25) மரங்களை வெட்டிக்கொண்டு இருக்கும் போது, அங்கு சென்ற பொலிஸார் அவர்களை கைது செய்ததுடன் அவர்களிடமிருந்து சுமார் 1 இலட்சம் ரூபாய் பெறுமதியான பாலை மரங்களை கைப்பற்றினர்.

சந்தேகநபர்களை நீதிமன்றத்தில் ஆஜர்ப்படுத்தியபோது, அவர்கள் தங்கள் குற்றங்களை ஒப்புக்கொண்டதையடுத்து, அவர்களுக்கு அபராதம் விதிக்கப்பட்டது.