வாழ்வியல் தரிசனம் 12/04/2016

கவலை தொட்டதால் குடியினை தொட்டேன் என்கிறார்கள். குடியினைப் பற்றியதால் அவர் தம் உடல் நிலை கவலைக்கிடமாகப் போகின்றது என்பதை உணர்கின்றார்கள் இல்லையே.
                                                
மயக்கத்தில் வாழ்வதற்குச் சிலர் விரும்புகின்றார்கள். சொந்த நிலையில் சுயாதீன சிந்தனையில் இருப்பதே தங்களுக்குக் கேடு என வியாக்கியானத்தைக் குடிகாரர் சொல்வது நகைப்புக்கிடமானது.

மது போதைபோல் புனிதமான மன அமைதி வேறு ஏது எனப் பிதற்றுபவர்கள், சுய உணர்வு வந்தால் தங்கள் சுதந்திரம் பறிபோகும் எனவும் கருதத் தலைப்படுகின்றார்கள்.

அதாவது, போதையில் எதனையும் செய்யலாம், பேசலாம் எனத் திட்டமிட்டு மது அருந்துபவர்கள் ஏராளம் பேர் உளர்.

தன்னைத்தான் பழி வாங்குவதே மது குடிப்பவர்கள் செல்லும் வழியாகும். குடிகாரன் கடவுளுக்கும் சவால் விடுவான்.

-பருத்தியூர் பால வயிரவ நாதன்