கவர்ச்சியான உயிரினங்கள்

உலகத்தில் பல்வேறு வகையான வித்தியாசமான, விசித்திரமான உயிரினங்கள் வாழ்ந்துகொண்டிருக்கின்றன. அவை அனைத்தையும் பற்றி முழுமையாக அறிந்திருக்க வாய்ப்புகள் மிகக் குறைவு.

கவர்ச்சியான நிறங்களைக் கொண்ட உயிரினங்கள் சிலவற்றின் புகைப்படங்களை National Geographic சஞ்சிகை அண்மையில் வெளியிட்டிருந்தது.

பறவைகள், விலங்குகள், கடல்வாழ் உயிரினங்கள் என பல வகையான உயிரினங்கள் பல்வேறு நிற அமைப்புகளைக் கொண்டு விளங்குகின்றன. அவை இயற்கையிலேயே ஏதோவொரு காரணத்துக்காகவே அமையப்பெற்றுள்ளதாக ஆய்வாளர்கள் தெரிவித்துள்ளனர்.

பறவைகள் சில மிகக் கவர்ச்சியான நிறங்களைக் கொண்டிருப்பதற்கான காரணம், அவை பாலியல் சேர்க்கையில் ஈடுபடுவதே என ஆய்வுகள் தெரிவிக்கின்றன. அதாவது அவற்றின் நிறங்களால் ஒன்றையொன்று ஈர்த்துக்கொள்கின்றன.

இதேவேளை, ஒக்டோபஸ் போன்ற கடல்வாழ் உயிரினங்கள் கடலின் ஆழத்தில் கதிர்வீச்சு நிறங்களைக் கொண்டிருக்கின்றன. அந்த நிறங்களின் ஊடாக ஒருவகை நச்சுப் பதார்த்தம் சுரக்கப்படுவதாகவும் அவை, எதிரிகளை கொன்று உணவாகுவதற்கு ஏதுவாக அமைவதாகவும் கூறப்படுகிறது.

ஏனைய சில உயிரினங்கள் எதிரிகளிடமிருந்து தங்களைக் காப்பாற்றிக்கொள்ள இயற்கையோடு ஒத்திசைந்த வர்ணங்களைக் கொண்டிருக்கின்றன.