பாடசாலைக்கு நூலகக் கட்டடம் வேண்டும்

நடராசா கிருஸ்ணகுமார்

கிளிநொச்சி,வேரவில் இந்து மகா வித்தியாலயத்தில் நூலகத்துக்கான கட்டடம் இல்லாத நிலைமை காணப்படுகின்றது. கிளிநொச்சி மேற்கில் உள்ள முக்கியமான இப்பாடசாலையில் 268 மாணவர்கள் கல்வி பயில்கின்றனர்.  ஆண்டு 01 தொடக்கம் ஆண்டு 13 வரையான வகுப்புகள் உள்ளன.  

இப்பாடசாலையில் ஆரம்பப் பிரிவு, நாடகமும் அரங்கியலும், சைவ சமயம் ஆகிய பாடங்களுக்கு ஆசிரியர் பற்றாக்குறை நிலவுகின்றது. மேலும், இந்த மகா வித்தியாலத்துக்கு நூலகக் கட்டடத்தை உருவாக்கி, ஆசிரியர் பற்றாக்குறையையும் நிவர்த்தி செய்யுமாறு பெற்றோர்கள் கோரிக்கை விடுத்துள்ளனர்.  

கிராஞ்சி, வலைப்பாடு, வேரவில் ஆகிய பாடசாலை மாணவர்களின் போக்குவரத்துக்கு பஸ்  சேவைகளும் இடம்பெற வேண்டும் எனவும்  பெற்றோர்கள் தெரிவிக்கின்றனர்.