பாண்டிச்சேரி அமைச்சருடன் சுதர்சன் சந்திப்பு

இந்தியாவின் பாண்டிச்சேரி அரச சுற்றுலாத்துறை அமைச்சருக்கும் வடமாகாண சுற்றுலாத்துறை ஒன்றிய தலைவர் சு.சுதர்சன் அவர்களுக்கும் இடையிலான சந்திப்பு சனிக்கிழமை (2)  பாண்டிச்சேரி அலுவலகத்தில் இடம்பெற்றது.

யாழ்ப்பாணத்தில் இருந்து சென்ற சுற்றுலாத்துறை ஒன்றிய தலைவர் நட்பு ரீதியான இச் சந்திப்பினை மேற்கொண்டிருந்தார்.

இச்சந்திப்பின்போது,  இலங்கை இந்தியச் சுற்றுலாத்துறை அபிவிருத்தி தொடர்பாகவும்  இந்தியச் சுற்றுலாப் பயணிகள் இலங்கையைப் பார்வையிடுவதற்கான சுற்றுலா ஒழுங்குகள் தொடர்பாகவும் கலந்துரையாடப்பட்டதுடன்,  சுற்றுலா தொடர்பான விளக்கக் கையேடு ஒன்றும் அமைச்சரிடம் சமர்ப்பிக்கப்பட்டது.