போதைப்பொருளுடன் ஒருவர் கைது

போதைப்பொருளை வைத்திருப்பதாக, யாழ். மாவட்ட சிரேஷ்ட பொலிஸ் அத்தியட்சகர் கீழ் இயங்கும் யாழ். மாவட்ட பொலிஸ் புலனாய்வு பிரிவினருக்கு கிடைத்த இரகசிய தகவலுக்கமைய மேற்கொண்ட தேடுதல் நடவடிக்கையின் போது யாழ்ப்பாணம் - இணுவில் வீதி, மானிப்பாய்  பகுதியில் பலசரக்கு வியாபார நிலையம் ஒன்றின் உரிமையாளர் ஒருவர்  கைது செய்யப்பட்டுள்ளார்.

இதன்போது மேற்கொண்ட விசாரணையில் தான் போதை குளிசை பாவிப்பதாகவும், தெரிந்த நபர்களுக்கு விற்பனை செய்வதாகவும் அவர் கூறியுள்ளார்.

மேலும் , குறித்த நபருடைய கடையின் பின் பகுதியில் பல போதை  குளிசைகளும், வெற்று கவர்களும் கைப்பற்றப்பட்டுள்ளதுடன்  

மேலதிக விசாரணைகளின் பின்னர் அவரை நீதிமன்றில் முற்படுத்தபடுத்துவதற்கான நடவடிக்கைகளை பொலிஸார் மேற்கொண்டு வருகின்றனர்.

பு.கஜிந்தன்