வாகனங்களுக்கு தீ வைப்பு ; பெண் வைத்தியசாலை அனுமதி

யாழ்ப்பாணத்தில் வன்முறை கும்பல் ஒன்றினால் வேன் ஒன்றுக்கும், கார் ஒன்றுக்கும் தீ வைக்கப்பட்ட சம்பவம் சனிக்கிழமை (07) இரவு இடம்பெற்றுள்ளது.

யாழ்ப்பாணம் - கோப்பாய் பகுதியில் வீடொன்றின் முன் நிறுத்தி வைக்கப்பட்டிருந்த வேன் மற்றும் கார் மீது , மோட்டார் சைக்கிளில் வந்த இரு நபர்கள் தாக்குதலை மேற்கொண்டு , வாகனங்களுக்கு தீ வைத்துவிட்டு தப்பி சென்றுள்ளனர்.  

அதனை கண்ணுற்ற வீட்டார் தீயினை அணைக்க முயன்ற போது , வாகன உரிமையாளரின் தாய் தீக்காயங்களுக்கு உள்ளாகிய நிலையில் யாழ் . போதனா வைத்தியசாலையில் அனுமதிக்கப்பட்டுள்ளார் .

மேலும் இச் சம்பவம் தொடர்பில் கோப்பாய் பொலிஸார் விசாரணைகளை முன்னெடுத்து வருவதாக தெரியவந்துள்ளது .

எம் . றொசாந்த்