35 பவுன் நகை அபகரிப்பு

வரலாற்று சிறப்பு மிக்க செல்வ சந்நிதி முருகன் ஆலய வருடாந்திர தேர் திருவிழா ஞாயிற்றுக்கிழமை(18) இடம்பெற்றதுடன் அதில் நாட்டின் பல பாகங்களில் இருந்தும் , வெளிநாடுகளில் இருந்தும் , பெருந்திரளான பக்தர்கள் கலந்து கொண்டு தேர் திருவிழாவை நேரில் கண்டு களித்தனர். 

இந்த நிலையில் ஆலய சூழல்களில் சனநெரிசல்களை பயன்படுத்தி திருடர்கள் தன் கைவரிசையை காட்டியுள்ளதாக தெரியவந்துள்ளது .

பல பக்தர்களின் பெறுமதியான தங்க நகைகள் அபகரிக்கப்பட்டுள்ளன. தமக்கு கிடைக்கப்பெற்ற முறைப்பாடுகளின் அடிப்படையில் சுமார் 35 பவுன் நகைகள் அபகரிக்கப்பட்டுள்ளதாக வல்வெட்டித்துறை பொலிஸார் தெரிவித்தனர். 

எம் . றொசாந்த்