தாக்குதல் விவகாரம்; டி.ஐ.ஜிக்கு இடமாற்றம்

நபரொருவரைத் தாக்கியதாகக் குற்றஞ்சாட்டப்பட்டுள்ள சப்ரகமுவ மாகாண சிரேஷ்ட பிரதி பொலிஸ்மா அதிபர் (டி.ஐ.ஜி) ரன்மல் கொடித்துவக்கு உடனடியாக அமுலுக்கு வரும் வகையில் பொலிஸ் களப் படைத் தலைமையகத்தின் மருத்துவ வழங்கல் மற்றும் நலன்புரி பிரிவுக்கு இடமாற்றம் செய்யப்பட்டுள்ளார்.

களுத்துறை மாவட்டத்துக்கு பொறுப்பான பிரதி பொலிஸ்மா அதிபர் கே.எஸ். பி. எம். குணரத்ன, சப்ரகமுவ மாகாணத்துக்கு நியமிக்கப்பட்டுள்ளதாகத் தெரிவிக்கப்படுகிறது.

பொதுப் பாதுகாப்பு அமைச்சின் செயலாளரின் பணிப்புரைக்கு அமையவே பொலிஸ்மா அதிபர் இந்த தீர்மானத்தை எடுத்துள்ளதாக தெரியவருகிறது.