சம்பியனான கல்முனை லெஜன்ட்ஸ் வி.க

- வி.ரி. சகாதேவராஜா

காரைதீவு விவேகானந்தா விளையாட்டு கழகம், தனது 36ஆவது ஆண்டை சிறப்பிக்கும் முகமாக அமரத்துவமடைந்த சீனித்தம்பி பேரின்பம் ஞாபகார்த்த இருபதுக்கு – 10 கிரிக்கெட் கடினப்பந்து தொடரில் கல்முனை லெஜன்ட்ஸ் விளையாட்டுக் கழகம் சம்பியனானது.

விபுலானந்தா மைதானத்தில் அண்மையில் நடைபெற்ற இறுதிப் போட்டியில் சாய்ந்தமருது பிளையிங் ஹோர்ஸ் விளையாட்டுக் கழகத்தை வீழ்த்தியே லெஜென்ட்ஸ் விளையாட்டுக் கழகம் சம்பியனானது.

சம்பியனான லெஜன்ட்ஸ் விளையாட்டுக் கழகத்துக்கு ரூபாய் 30,000 மற்றும் பெறுமதி மிக்க வெற்றிக் கிண்ணமும், இரண்டாமிடம் பெற்ற சாய்ந்தமருது பிளையிங் ஹோர்ஸ் விளையாட்டுக் கழகத்துக்கு ரூபாய் 20,000 மற்றும் பெறுமதி மிக்க வெற்றி கிண்ணமும் வழங்கி வைக்கப்பட்டன.