வேலையில்லா பட்டதாரிகளுக்கு மாதம் 3,000 ரூபாய்

கர்நாடகாவில் காங்கிரஸின்  ஆட்சி அமைந்தால் வேலையில்லாப்  பட்டதாரிகளுக்கு மாதம் 3,000 ரூபாய் ஊக்கத்தொகையாக வழங்கப்படும் என காங்கிரஸ் எம்.பி. ராகுல் காந்தி தெரிவித்துள்ளார்.

அது மட்டுமல்லாது , டிப்ளமோ படித்த இளைஞர்களுக்கு 1,500 ரூபாய் உதவித்தொகை வழங்கப்படும் என்றும் அவர் தெரிவித்தார்.

விரைவில் கர்நாடக சட்டமன்றத் தேர்தல் நடைபெறவுள்ள நிலையில் பெலகாவியில் இளைஞர் காங்கிரஸ் மாநாட்டில் கலந்துகொண்டு உரையாற்றிய போதே அவர் இவ்வாறு தெரிவித்துள்ளார்.

இதன்போது ”குடும்பத் தலைவிகளுக்கு மாதந்தோறும் 2,000 ரூபாய், ஒவ்வொரு வீட்டிற்கும் 200 யூனிட் இலவச மின்சாரம், வறுமை கோட்டிற்கு கீழ் உள்ள குடும்பங்களுக்கு தலா 10 கிலோகிராம்  இலவச அரிசி வழங்கப்படும்  உள்ளிட்ட பல வாக்குறுதிகளையும் வெளியிட்டார்.