உத்தமவில்லனுக்கு 5 விருதுகள்

அமெரிக்காவின் லொஸ் ஏஞ்சல்ஸ் நகரில் நடந்துவரும் சர்வதேசத் திரைப்பட விழாவில் கமல்ஹாசன் நடித்த உத்தம வில்லன் திரைப்படத்துக்கு 5 விருதுகள் கிடைத்துள்ளன.

சிறந்தத் திரைப்படமாக உத்தம வில்லன் தெரிவானதுடன் சிறந்த நடிகர் (கமலஹாசன்), சிறந்த இசையமைப்பாளர் (ஜிப்ரான்), சிறந்த பாடல்கள் (ஜிப்ரான்), சிறந்த ஒலி வடிவமைப்பு (குணால் ராஜன்) ஆகிய 5 விருதுகள் உத்தம வில்லனுக்கு கிடைத்துள்ளது.

இதேபோல ரஷ்யன் சர்வதேசத் திரைப்பட விழாவிலும் உத்தம வில்லன் சிறந்த இசையமைப்புக்கான விருதை பெற்றுள்ளது.
உத்தம வில்லன் திரைப்படத்தை இயக்குநர் லிங்குசாமி தயாரித்ததுடன் கமல், பூஜாகுமார், எண்ட்ரியா, கே.பாலச்சந்தர் ஆகியோர் நடித்திருந்தமை குறிப்பிடத்தக்கது.