சூரி ஹீரோவாக நடிக்கும் ’கருடன்’

தமிழ் திரையுலகின் முன்னணி காமெடி நடிகர்களில் ஒருவரான சூரி அண்மையில் வெளியான வெற்றிமாறனின் ’விடுதலை’ என்ற திரைப்படத்தில் முக்கிய கேரக்டரில் நடித்திருந்தார்.

அதன் பிறகு தற்போது சிவகார்த்திகேயன் தயாரிப்பில் உருவாகி வரும் ’கொட்டுக்காளி’ என்ற திரைப்படத்தில் நாயகனாக நடித்து வருகிறார்.

இந்த நிலையில் சூரி நாயகனாக நடிக்கும் இன்னொரு திரைப்படத்தின் படப்பிடிப்பு ஆரம்பிக்கப்பட்டுள்ளது. இந்த படத்துக்கு ’கருடன்’ என்ற பெயர் வைக்கப்பட்டுள்ளதாக கூறப்படுகிறது.

வெற்றிமாறன் கதையில் உருவாகும் இந்த படத்தை துரை செந்தில்குமார் இயக்க உள்ளார். இவர் ஏற்கெனவே ’எதிர்நீச்சல்’ ’காக்கிச்சட்டை’ ’கொடி’ உள்ளிட்ட ஒரு சில படங்களை இயக்கியவர் என்பது குறிப்பிடத்தக்கது.