திடீரெனப் பெயரை மாற்றிய சமந்தா

தமிழ் மற்றும் தெலுங்குத் திரையுலகில்  முன்னணி நடிகையாக வலம் வருபவர் சமந்தா.

கடந்த 2017ஆம்  ஆண்டு பிரபல தெலுங்கு நடிகர் நாகசைதன்யாவைத் திருமணம் செய்துகொண்ட சமந்தா, தற்போதும் பல திரைப்படங்களில் நடித்து வருகின்றார்.

சமந்தாவின் கைவசம் தற்போது ‘காத்துவாக்குல ரெண்டு காதல்’, ‘சகுந்தலம்’ போன்ற படங்கள் உள்ளன.

மேலும் சமூக வலைதளங்களில் மும்முரமாக  இருக்கும் நடிகைகளில் சமந்தாவும் ஒருவர். அவரை டுவிட்டரில் 89 லட்சம் பேரும், இன்ஸ்டாகிராமில் 1 கோடியே 78 லட்சம் பேரும் பின் தொடர்ந்து வருகின்றனர்.

இந்நிலையில் நடிகை சமந்தா, தனது சமூக வலைதள பக்கங்களில் திடீரென பெயரை மாற்றி உள்ளார். இதற்கு முன் சமந்தா அக்கினேனி (samantha akkineni) என இருந்த நிலையில், தற்போது எஸ் (S) என மாற்றி உள்ளார். இருப்பினும் திடீர் பெயர் மாற்றத்துக்கான காரணத்தை நடிகை சமந்தா வெளியிடவில்லை.