ரசிகர்களுக்கு 'தல'யின் எச்சரிக்கை

எப்பவுமே சாதுவாக இருக்கிற 'தல' அஜித்குமார் இப்பொழுது கடுப்பாகியிருக்கிறாராம். இதற்குக் காரணம் தன்னுடைய ரசிகர்கள் சிலர் தேவையில்லாத வேலைகளில் ஈடுபடுவதோடு தன்னுடைய பெயரையும் துஷ்பிரயோகம் செய்வதுதானாம்.

'ரசிகர் மன்றங்கள் தலைமை பீடத்துக்கு கட்டுப்பட்டு இருக்கவேண்டும். அவர்களின் அனுமதியில்லாமல் தேவையில்லாத வேலைகளில் ஈடுபடக்கூடாது. அப்படி ஏதாவது தேவையில்லாத வேலைகள் இடம்பெற்றால் ரசிகர் மன்றத்தினை கலைத்துவிடுவேன்...' என நடிகர் அஜித்குமார் தன்னுடைய ரசிகர்மன்ற உறுப்பினர்களை எச்சரித்துள்ளார்.

எதிர்வரும் மே 1ஆம் திகதி அஜித்தின் பிறந்தநாளன்று 'மங்காத்தா' திரைப்படம் திரைக்கு வரவிருக்கிறது. இந்நிலையில் அஜித்தின் இந்த கடுப்பினால் அவரது ரசிகர்மன்ற உறுப்பினர்கள் கலக்கத்தில் இருக்கிறார்களாம்.