விக்ரமை காதலிக்கும் ஸ்ரேயா

சிவாஜியில் சூப்பர் ஸ்டார் ரஜினியுடன் ஜோடி சேர்ந்த பின்னர் பல முன்னணி நடிகர்களுடன் ஜோடியாக சுற்றிவந்தவர் ஸ்ரேயா. தற்போது ஜீவாவுடன் ஜோடி சேர்ந்து நடித்த 'ரௌத்திரம' திரைப்படம் வெளியாகியுள்ளது.

இந்தத் திரைப்படம் தொடர்பான நிகழ்ச்சியொன்றில் கலந்துகொண்ட நடிகை ஸ்ரேயா, தான் இப்போது நடிகர் விக்கிரமை காதலிக்கத் தொடங்கிவிட்டதாக பகிரங்கமாகக் கூறியுள்ளார்.

ஆம், சமீபத்தில் விக்ரம் நடித்த தெய்வத் திருமகள் படம் பார்த்து பிரமித்துப் போனதாகக் கூறியுள்ள ஸ்ரேயா, அந்த திரைப்படத்தின் கிருஷ்ணா கதாபாத்திரம் விக்ரமை இன்னொரு உயர்ந்த இடத்துக்கு கொண்டு போய்விட்டதாகவும் தெய்வத் திருமகள் படத்தைப் பார்த்த பின்னர் விக்கிரமை காதிலிக்க ஆரம்பித்து விட்டதாகவும் கூறியுள்ளார்.

தான் ஜோடியாக நடித்த இரண்டு கதாநாயகர்களான விக்ரம் மற்றும் விஷாலின் திரைப்படங்கள் பெரும் பாராட்டைப் பெற்றுள்ளமை மகிழ்ச்சியளிக்கிறது என்றும் குறிப்பிட்டுள்ளார் நடிகை ஸ்ரேயா.

விக்ரமுடன் கந்தசாமியிலும் விஷாலுடன் தோரணை திரைப்படத்திலும் ஜோடி சேர்ந்த ஸ்ரேயா, அண்மையில் அவர் பார்த்து ரசித்த தமிழ்த் திரைப்படங்கள் குறித்து பேசிய போதே மேற்கண்டவாறு குறிப்பிட்டுள்ளார்.

இதன்போது விக்ரமை புகழ்ந்த ஸ்ரேயா, தான் பிரமித்த இன்னொரு கதாநாயகர் விஷால் எனவும் அவர் நடித்த அவன் இவன் படம் தனக்கு மிகவும் பிடித்துவிட்டதாகவும் அவருக்கு நிச்சயம் விருது கிடைக்கும். அந்த அளவு அற்புதமாக நடித்திருந்தார் எனவும் குறிப்பிட்டுள்ளார்.

இதேவேளை, தன்னுடைய இன்னொரு ஹீரோ ஜீவா நடித்த கோ படத்தையும் தான் பார்தததாகவும் அது மிகவும் அற்புதமாக இருந்ததாகவும் ஜீவா அதில் சிறப்பாக நடித்திருந்தார் எனவும் குறிப்பிட்டுள்ளார் நடிகை ஸ்ரேயா.