சின்னப் பெண்ணாம் தமன்னா...!

தென்னிந்தியாவின் முன்னணி நடிகைகளில் ஒருவராகத் திகழ்பவர் தமன்னா. ஏனைய நடிகைகளை விட வயதில் இளையவராக இருந்தாலும் பல திரைப்பட வாய்ப்புக்களைப் பெற்று தனது சிறந்த நடிப்பால் ரசிகர்களின் கனவுக் கன்னியாக இடம்பிடித்திருக்கிறார். 

இந்நிலையில் தனக்கு இன்னும் மூன்று வருடங்களில் திருமணம் என்ற செய்தியை தமனக்கா பகிரங்கமாக வெளியிட்டிருக்கிறார். தான் இன்னும் சின்னப் பெண் என்று குறிப்பிட்டுள்ள அவர், ரசிகர்கள் அவர் மேல் காட்டும் அன்பை எண்ணி பூரித்துப் போயுள்ளாராம்.

வேலூரில் இடம்பெற்ற நகைக்கடை திறப்பு விழா நிகழ்வொன்றில் கலந்துகொண்ட போதே நடிகை தமன்னா மேற்கண்டவாறு குறிப்பிட்டுள்ளார். இதன்போது ஊடகவியலாளர்களிடம் கருத்து தெரிவித்துள்ள அவர் கூறியுள்ளதாவது,

'ரசிகர்களின் அன்பைப் பார்த்து நெகிழ்ந்து போனேன். நான் ரொம்ப அதிர்ஷ்டசாலி. தற்போது தெலுங்கில் 3 படங்களில் நடித்து வருகிறேன். நான் இன்னும் சின்ன பெண் தான். அதனால் 3 ஆண்டுகள் கழித்து தான் திருமணம் பற்றி யோசிப்பேன்' என்று கூறியுள்ளார்.