சல்மன்கானுக்கு அமெரிக்காவில் சிகிச்சை...

பிரபல இந்தி நடிகர் சல்மன்கான், தனது சிகிச்சையை முன்னிட்டு அமெரிக்காவுக்குச் செல்லவுள்ளார். மூளையில் இருந்து முகத்துக்கு செல்லும் நரம்பில் ஏற்பட்டுள்ள பாதிப்பு காரணமாகவே சிகிச்சை நிமித்தம் அவர் இவர் அமெரிக்கா செல்லவுள்ளார்.
 
நடிகர் சல்மன்கானுக்கு கடந்த 2007ஆம் ஆண்டு முதல் தாடையில் கடும் வலி இருந்து வருவதாக அவர் அண்மையில் தகவல் வெளியிட்டுள்ளார். இந்நிலையில் இந்தப் பிரச்சினைக்கு சிகிச்சை மேற்கொள்ள அமெரிக்கா செல்லவும் அவர் முடிவு செய்துள்ளார்.

தாடையில் ஏற்படும் கடும் வலியினால் உணவு உட்கொள்ள முடியாமல் அவதிப்பட்டதாகவும், சமீபகாலமாக அந்த வலி அதிகரித்து விட்டதால், அமெரிக்காவில் சிகிச்சை மேற்கொள்ள முடிவு செய்துள்ளதாகவும் கூறியுள்ளார்.

இவருக்கு ஏற்கனவே மும்பையில் சிகிச்சையளித்த வைத்தியர்கள், மூளையில் இருந்து முகத்துக்கு செல்லும் நரம்பில் ஏற்பட்டுள்ள பாதிப்பு காரணமாக வாயை திறந்தாலே தாடையில் தாங்க முடியாத வலி ஏற்படுவதாக தெரிவித்துள்ளமை குறிப்பிடத்தக்கது.