சினேகா - பிரசன்னா டும் டும் டும்...

நடிகை சினேகாவுக்கும், நடிகர் பிரசன்னாவுக்கும் பெற்றோர் சம்மதத்துடன் விரைவில் திருமணம் நடைபெறப்போவதாக நடிகர் பிரசன்னா இன்று பகிரங்கமாக அறிவித்துள்ளார்.

'விரும்புகிறேன்' படத்தின் மூலம் நடிகையாக அறிமுகமானவர் சினேகா. 'பைவ் ஸ்டார்' படத்தின் மூலம் நடிகராக அறிமுகமானவர் பிரசன்னா. இவர்கள் இருவரும் 'அச்சமுண்டு அச்சமுண்டு' திரைப்படத்தில் இணைந்து நடித்தனர். அதன் பிறகு இருவரும் நண்பர்களாகத் திகழ்ந்தனர்.
 
இருவரும் காதலிப்பதாகவும் திருமணம் செய்து கொள்வதாகவும் செய்திகள் வந்தவண்ணம் இருந்தன.  இருப்பினும் இதுகுறித்து இரு தரப்பிலிருந்தும் மறுப்பு தெரிவிக்கப்பட்டு வந்தது.

இந்நிலையில், இருவரும் திருமணம் செய்துகொள்ள முடிவு செய்துள்ளனர். 'இருவீட்டாரின் சம்மதத்துடன் இருவருக்கும் நிச்சயதார்த்தம் நடைபெறவுள்ளதாகவும் திருமணம் எப்போது என்பதை விரைவில் நாங்களே அறிவிக்கிறோம்'' என்றும் பிரசன்னா குறிப்பிட்டுள்ளார்.