"நான் எதுக்கும் ரெடி" - ப்ரியாமணி

"நடிகையான பிறகு நிபந்தனைகள் விதிப்பது எடுபடாது என்பது புரிந்துவிட்டது. இப்போது நான் எந்த நிபந்தனையும் விதிப்பதில்லை. அதேபோல எந்த வேடத்தில் நடிப்பதற்கும் தயாராக இருக்கிறேன். கதை பிடித்து இருந்தால் அதோடு முழுமையாக கலந்து விடுவேன்" என்கிறார் ப்ரியாமணி.

என்னென்னவோ பேட்டிகள் கொடுத்துப் பார்த்தும் ப்ரியாமணிக்கு ஒருவரும்  வாய்ப்பு தருகிற மாதிரி தெரியவில்லை. கடைசி அஸ்திரமாக, எந்த வேடத்துக்கும் தயார். வாய்ப்பு கொடுங்கள் என்று இறங்கி வந்திருக்கிறார் ப்ரியாமணி.

இது தொடர்பில் அண்மையில் அளித்துள்ள பேட்டியொன்றில் அவர் குறிப்பிட்டுள்ளதாவது:- "கதாபாத்திரத்தை எவ்வளவு சிறப்பாக செய்ய முடியும் என்ற சிந்தனையே எனக்குள் இருக்கும். அதைச் சிறப்பாக செய்ய, கூடிய வரை கஷ்டப்படுகிறேன். விருதுகள் பெற வேண்டும் என்ற குறிக்கோளுடன் கதைகளைத் தேர்வு செய்து நடிப்பதில்லை.

தனிமை எனக்குப் பிடிக்காது. எப்போதும் நண்பர்களுடன் இருப்பதையே விரும்புவேன். தனிமையில் இருந்து எதை சாதிக்கப் போகிறோம். வெறுமையாக வாழ்வதில் இன்பமில்லை. நண்பர்களுடன் சுற்றுவது பார்ட்டிகளுக்கு போவதெல்லாம் எனக்கு பிடித்தமான விஷயங்கள் என்று காரசாரமாக கூறியுள்ளார் ப்ரியாமணி.