சுஷாந்த்சிங் முன்னாள் காதலிக்கு திருமணம்

பிரபல பொலிவுட் நடிகர் சுஷாந்த்சிங் ராஜ்புத் கடந்த ஆண்டு உயிரிழந்த நிலையில், அவருடைய முன்னாள் காதலி, வரும் டிசெம்பர் மாதம் திருமணம்  செய்ய இருப்பதாக செய்தி வெளியாகி உள்ளது.

சுஷாந்த்சிங் ராஜ்புத் மற்றும் நடிகை அங்கிதா லோஹண்டே ஆகிய இருவரும் கடந்த 2010ஆம் ஆண்டுகளில் டேட்டிங் செய்து 6 ஆண்டுகளாக காதலித்து வந்த நிலையில்2016ஆம் ஆண்டு பிரிந்து விட்டனர்.

இந்த நிலையில் கடந்த சில மாதங்களாக மும்பையைச் சேர்ந்த தொழிலதிபர் விக்கி ஜெயின் என்பவரை காதலித்து வந்த அங்கிதா, அவரை திருமணம் செய்து கொள்ள இருப்பதாக தகவல் வெளிவந்துள்ளது.

டிசெம்பர் 12, 13, 14 திகதிகளில் ஒரு நாளில் இந்த திருமணம் நடைபெறும் என்றும்  திருமண திகதி முடிவு செய்யப்பட்டு உற்றார் உறவினர்கள் மற்றும் நண்பர்களுக்கு அழைப்பிதழ் அனுப்பப்படும் என்றும் அங்கீதா தரப்பிலிருந்து தகவல் வெளிவந்துள்ளது.