திரையுலகில் மற்றுமொரு மறைவு

'என்னடி முனியம்மா உன் கண்ணுல மை' பாடல் மூலம் பிரபலமான பாடகரும், நடிகருமான டி.கே.எஸ் நடராஜன் உடல்நலக்குறைவு காரணமாக இன்று காலை தனது 87ஆவது வயதில்  காலமானார்.

1954ஆம் ஆண்டு வெளியான இரத்தபாசம் படம் மூலம் நடிகரான நடராஜன், 500க்கும் மேற்பட்ட படங்களில் நடித்துள்ளார். ரஜினிகாந்த், கமல் ஹாசன், கார்த்திக் என்று பல ஹீரோக்களுடன் சேர்ந்து நடித்த இவர் சிறு கதாபாத்திரங்களில் நடித்திருந்தாலும் ரசிகர்களை தன்னை கவனிக்கச் செய்தவர்.

இ​தேவேளை, கடந்த வாரம்  இயக்குநர்களான தாமிரா, கே.வி. ஆனந்த், மூத்த நடிகர் செல்லத்துரை என மூவர் உயிரிழந்துள்ள நிலையில், இன்று நடிகர்  நடராஜன் உயிரிழந்துள்ளமை குறிப்பிடத்தக்கது.