மார்ச் இறுதியில் 'AK57' தனிப்பாடல்

'வேதாளம்' திரைப்படத்தின் வெற்றியை தொடர்ந்து இயக்குநர் சிவாவும், அஜீத்தும் மீண்டும் இணைந்துள்ள 'AK57' திரைப்படத்தின் படப்பிடிப்பு வேலைகள் இறுதி கட்டத்தை எட்டியுள்ளது.

இன்னும் சில நாட்கள் மட்டுமே படப்பிடிப்பு மிச்சமிருக்கும்நிலையில், இதுவரை எடுத்த காட்சிகளை எடிட் பண்ணும் வேலையில் ஈடுபட்டுள்ளார் இயக்குநர்.

வருகிற பொங்கல் நாளில் திரைப்படத்தின் தலைப்பு வெளியாக உள்ளது. தொடர்ந்து ஏப்ரல் மாதம் வெளியிட உள்ள இத்திரைப்படத்தின் டீசரை குடியரசு தினத்தை முன்னிட்டு இம்மாதம் 26-ஆம் திகதி வெளியிட திட்டமிட்டிருக்கிறார்களாம்.

பாடல்களை ஒன்றன் பின் ஒன்றாக மார்ச் கடைசிவாரத்தில் வெளியிட உள்ளார்கள் என்ற தகவல் வெளியாகியுள்ளது. எனவே மற்ற பட வேலைகளை ஒதுக்கி வைத்துவிட்டு அஜித் படத்தின் இசைக்கு இறுதி வடிவம் கொடுக்கும் பணியில் அனிருத் ஈடுபட்டிருக்கிறார்.