மணிரத்னம் படத்தில் ரகுமான் மகள்

‘தக்லைஃப்’ திரைப்படத்தில் குஷ்புவின் மகள் உதவி இயக்குனராக பணிபுரிந்த நிலையில், தற்போது இன்னொரு பிரபல நடிகரின் மகளும் இதே படத்தில் உதவி இயக்குனராக பணிபுரிந்து உள்ளார் என்ற செய்தி வெளியாகி உள்ளது.

உலக நாயகன் கமல்ஹாசன் நடிப்பில், மணிரத்னம் இயக்கத்தில், ஏ ஆர் ரஹ்மான் இசையில் உருவான ‘தக்லைஃப்’ திரைப்படம் அண்மையில் வெளியாகி கலவையான விமர்சனத்தை பெற்றது.

கடந்த சில நாட்களுக்கு முன்பு நடிகை குஷ்பூ தனது சமூக வலைதளத்தில் ‘தக்லைஃப்’ திரைப்படத்தில் தனது மகள் சில மாதங்கள் உதவி இயக்குனராக பணிபுரிந்து இருந்தார் என்று தெரிவித்திருந்தார்.

இதனை அடுத்து, தற்போது நடிகர் ரகுமானின் மகள் அலிஷாவும், இந்த படத்தில் உதவி இயக்குனராக பணிபுரிந்துள்ளதாக தெரிகிறது. இந்த தகவலை அவர் தனது இன்ஸ்டாகிராம் பக்கத்தில் தெரிவித்துள்ளார்.

மேலும், ‘தக்லைஃப்’ படத்தில் உதவி இயக்குனராக மட்டுமின்றி நாசர் மகள் என்ற சிறிய கேரக்டரிலும் அலிஷா நடித்திருந்தார் என்பது குறிப்பிடத்தக்கது.