ஐரோப்பாவில் சுற்றுப் பயணம் மேற்கொண்டுள்ள அஜித்தின் லண்டன் புகைப்படங்கள் வைரலாகி வருகிறது. நடிகர் அஜித் குமார் தொடர்பான பெரும்பாலான காட்சிகள் அவரது ஏகே. 61 படத்தில் ஷூட் செய்யப்பட்டுள்ளது. தற்போது அவர் ஐரோப்பாவில் சுற்றுப் பயணம் மேற்கொண்டுள்ளார்.

லண்டன் வீதிகளில் சூப்பர் பைக்குடன் அஜித்குமார் இடம்பெறும் புகைப்படங்கள் சமூக வலைளதங்களில் வெளியாகியுள்ளன.

இந்நிலையில் லண்டனில் உள்ள பிரபல கார் நிறுவனமான மெக்லாரன் ஷோரூமுக்கு அஜித் சென்றுள்ளார். அங்கு சுமார் 5 கோடி ரூபாய் மதிப்புள்ள கார் உடன் அவர் நிற்கும் புகைப்படம் ஒன்று வெளியாகியுள்ளது.

இதனை அவரது ரசிகர்கள் சமூக வலைதளங்களில் பகிர்ந்து வருகின்றனர். இதேபோன்று கேஷுவல் லுக்கில் அஜித் இடம்பெறும் புகைப்படங்களும் வைரலாகி உள்ளன.

தனிப்பட்ட காரணங்களுக்காக ஐரோப்பாவில் சுற்றுப்பயணம் மேற்கொண்டுள்ளதாகவும் தகவல்கள் கூறுகின்றன. விரைவில் இந்த பயணத்தை முடித்துக்கொண்டு ஏகே. 61 படப்பிடிப்பில் அஜித் இணைவார் என்று எதிர்பார்க்கப்படுகிறது.