வானிலை முன்னறிவிப்பு

(2026 ஏப்ரல் 22ஆம் திகதிக்கான முன்னறிவிப்பு, 2026 ஏப்ரல் 21ஆம் திகதி பிற்பகல் 02.00 மணிக்கு வெளியிடப்பட்டது)

நாட்டின் பெரும்பாலான பிரதேசங்களில் பி.ப. 1.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக்கூடிய சாத்தியம் காணப்படுகின்றது.

பலத்த மழைவீழ்ச்சி: மேல், சபரகமுவ, மத்திய, ஊவா மற்றும் தென் மாகாணங்களிலும் அம்பாறை மாவட்டத்திலும் சில இடங்களில் 100 மி.மீ க்கும் அதிகமான பலத்த மழைவீழ்ச்சி எதிர்பார்க்கப்படுகின்றது.

மட்டக்களப்பு, அம்பாறை மற்றும் ஹம்பாந்தோட்டை மாவட்டங்களில் காலை வேளையிலும் மழை பெய்யும் என எதிர்பார்க்கப்படுகின்றது.

பனிமூட்டமான நிலை: மத்திய, சபரகமுவ, வடமத்திய மற்றும் ஊவா மாகாணங்களிலும் காலி, மாத்தறை, களுத்துறை, வவுனியா மற்றும் குருநாகல் மாவட்டங்களிலும் சில இடங்களில் அதிகாலை வேளையில் பனிமூட்டமான நிலை காணப்படும்.

முன்னெச்சரிக்கை: இடியுடன் கூடிய மழை பெய்யும் வேளைகளில் தற்காலிகமாக வீசக்கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளைக் குறைத்துக்கொள்ளத் தேவையான முன்னெச்சரிக்கை நடவடிக்கைகளை எடுக்குமாறு பொதுமக்கள் அறிவுறுத்தப்படுகின்றார்கள்.

நாட்டைச் சூழவுள்ள கடற்பரப்பிற்கான வானிலை முன்னறிவிப்பு

மழை நிலைமை: மன்னாரிலிருந்து கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடற்பரப்புகளில் பல இடங்களில் மழையோ அல்லது இடியுடன் கூடிய மழையோ பெய்யக்கூடும். ஏனைய கடற்பரப்புகளில் மாலையில் அல்லது இரவில் மழை பெய்யக்கூடும்.

காற்று: காற்றானது மாறுபட்ட திசைகளிலிருந்து மணித்தியாலத்துக்கு 20-30 கிலோ மீற்றர் வேகத்தில் வீசக்கூடும்.

கடல் நிலை: நாட்டைச் சூழவுள்ள கடற்பரப்புகள் சாதாரண அலையுடன் காணப்படும். இடியுடன் கூடிய மழை பெய்யும் நேரங்களில் கடல் மிகவும் கொந்தளிப்பாகக் காணப்படும்.

மழைவீழ்ச்சி அளவு (மி.மீ) விளக்கம்:

சிறிதளவு: 00-12.5

மிதமானது: 12.5-50

ஓரளவு பலத்த மழை: 50-100

பலத்த மழை: 100-150

மிகப் பலத்த மழை: 150 க்கும் அதிகமானது