பேஸ்புக் மெசேஞ்சரில் எஸ்.எம்.எஸ் அனுப்பலாம்

Menaka Mookandi / 2012 டிசெம்பர் 05 , பி.ப. 02:56 - 0 - {{hitsCtrl.values.hits}}

பேஸ்புக் மெசஞ்சரில் எஸ்.எம்.எஸ் அனுப்பும் வசதியை பேஸ்புக் நிறுவனம் அறிமுகப்படுத்தியுள்ளது. இதன்படி அன்ட்ரொய்ட் மெசேஞ்சர் அப்ளிகேசனை அப்டேட் செய்வதன் மூலம் இந்த புதிய தொழில்நுட்ப வசதியை ஏற்படுத்திக்கொள்ளலாம்.

இந்த சேவையை பேஸ்புக் கணக்கு மற்றும் மின்னஞ்சல் முகவரி இல்லாமலும் பெற்றுக்கொள்ளக்கூடிய வசதியை பேஸ்புக் நிறுவனம் ஏற்படுத்திக் கொடுத்துள்ளது.

இந்த புதிய பேஸ்புக் மெசேஞ்சர் அப்ளிகேசன் வசதியானது இந்தோனேசியா, வெனிசுலா, அவுஸ்திரேலியா மற்றும் தென்னமெரிக்கா ஆகிய நாடுகளில் அறிமுகப்படுத்தப்பட்டுள்ள நிலையில், ஏனைய நாடுகளிலும் அதனை அறிமுகப்படுத்துவதற்கான ஏற்பாடுகள் மேற்கொள்ளப்பட்டுள்ளன.

இந்த சேவையைப்பெற பயனாளர்களின் பெயர் மற்றும் தொலைபேசி எண் மட்டும் போதுமானது என்று பேஸ்புக் நிறுவனம் அறிவித்துள்ளது. இதற்காக இந்நிறுவனம் பல முன்னணி கையடக்கத் தொலைபேசி நிறுவனங்களுடன் இணைப்பு வைத்துள்ளதாக தகவல்கள் வெளியாகியுள்ளமை குறிப்பிடத்தக்கது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .