துர்க்காபுரம் பேரம்பல ஆலய வேள்வி

(கிரிசன்)

தெல்லிப்பளை துர்க்காபுரம் பேரம்பல ஆலய வருடாந்த பொங்கல் விழாவும் வேள்வியும் இன்று சனிக்கிழமை அதிகாலை முதல் இடம் பெற்றது. இந் நிகழ்வில் வைரவருக்கு பாரியளவில் பொங்கல் இடம் பெற்றதுடன் பாரிய படையல்களும் இடம் பெற்றன.

நூற்றுக்கணக்கான பொது மக்கள் இதில் கலந்து கொண்டதுடன்

இதனைத் தொடர்ந்து பாரியளவில் வேள்வியாக கடாக்கள் மற்றும் கோழிகள் பலியிடும் நிகழ்வும் இடம் பெற்றது.  பெரிய கடாக்கள் என்பன மாலைகள் அணிவிக்கப்பட்டு வெடிகள் கொளுத்தி உழவு இயந்திரங்களில் ஏற்றப்பட்டு ஒலி பெருக்கிகள் சகிதம் ஊர்வலமாக ஆலயத்திற்கு கொண்டுவரப்பட்டு வெட்டப்பட்டன.

சுமார் முன்னூறுக்கும் மேற்பட்ட கடாக்களும் நூற்றுக்கும் மேற்பட்ட கோழிகளும் ஆலயத்தில் பலியிடப்பட்டன.