ஹற்றனில் நீளும் எரிபொருளுக்கான வரிசை

ஹற்றனில் எரிபொருளுக்காக வாகனங்கள் நீண்ட வரிசையில் காத்திருப்பதன் காரணமாக, ஹற்றன் நகரப்பகுதிக்குள் வாகனங்கள் பிரவேசிக்க முடியாத நிலை காணப்படுகின்றது.

ஹற்றன் மல்லியப்பு சந்தியிலுள்ள எரிபொருள் நிலையத்திலிருந்து ஹற்றன் மத்திய பேருந்து நிலையம் வரை இந்த எரிபொருள் வரிசை நீண்டிருப்பதாக எமது செய்தியாளர் தெரிவிக்கின்றார்.

அதேநேரம், பழைய QR குறியீட்டினைப் பயன்படுத்தி எரிபொருளைப் பெற்றுக்கொள்வதில் சிலர் சிரமங்களை எதிர்நோக்குவதாகவும் தெரிவிக்கப்படுகின்றது.

குறிப்பாக, QR குறியீட்டைப் பெற்றுக்கொண்ட பின்னர் வாகனத்தை விற்பனை செய்திருந்தால், அந்த வாகனத்தைப் புதிதாகக் கொள்வனவு செய்தவர் புதிய QR குறியீட்டைப் பெற்றுக்கொள்வதில் சிக்கல்களை எதிர்நோக்குகின்றார்.