MI vs CSK: சென்னைச் சூறாவளியில் சிக்கிய மும்பை (வீடியோ)

மும்பை: 2026 ஐபிஎல் தொடரில் சென்னை சூப்பர் கிங்ஸ் அணிக்கு எதிராக நேற்று நடைபெற்ற விறுவிறுப்பான போட்டியில், மும்பை இந்தியன்ஸ் அணி 103 ரன்கள் வித்தியாசத்தில் படுதோல்வியைச் சந்தித்தது.

முதலில் துடுப்பெடுத்தாடிய சென்னை சூப்பர் கிங்ஸ் அணி, நிர்ணயிக்கப்பட்ட 20 ஓவர்களில் அதிரடியாக விளையாடி 207 ரன்களைக் குவித்தது.

தனித்து நின்ற ஜோடி: 208 ரன்கள் என்ற கடினமான இலக்கை நோக்கிப் பயணித்த மும்பை அணிக்கு ஆரம்பமே அதிர்ச்சியாக அமைந்தது. முன்வரிசை வீரர்கள் சொற்ப ரன்களில் ஆட்டமிழந்த நிலையில், கேப்டன் சூரியகுமார் யாதவ் (36) மற்றும் இளம் வீரர் திலக் வர்மா (37) ஜோடி மட்டும் இணைந்து 60 ரன்களைச் சேர்த்தது.

இவர்களைத் தவிர மற்ற வீரர்கள் சென்னை அணியின் துல்லியமான பந்துவீச்சை எதிர்கொள்ள முடியாமல் அடுத்தடுத்து ஆட்டமிழந்ததால், மும்பை அணி 104 ரன்களுக்குச் சுருண்டது.

அகீல் ஹொசைன் அதிரடி: சென்னை அணியின் சார்பில் அபாரமாகப் பந்துவீசிய அகீல் ஹொசைன், 4 விக்கெட்டுகளைக் கைப்பற்றி மும்பையின் தோல்வியை உறுதி செய்தார்.

புள்ளிப்பட்டியலில் சரிவு:
சொந்த மைதானமான வான்கடேவில் சந்தித்த இந்தத் தோல்வியின் மூலம், ஐபிஎல் புள்ளிப்பட்டியலில் மும்பை இந்தியன்ஸ் அணி எட்டாவது இடத்திற்குத் தள்ளப்பட்டுள்ளது. சென்னை அணி தனது ஆதிக்கத்தைத் தொடர்ந்து நிலைநாட்டி வருகிறது.