சாராயம் வைத்திருந்த இருவருக்கு அபராதம்

-எம்.எஸ்.எம்.ஹனீபா

விற்பனைக்காக சாராயம் வைத்திருந்த குற்றச்சாட்டின் பேரில் கைதுசெய்யப்பட்ட இருவருக்கு தலா 15 ஆயிரம் ரூபாயை அபராதமாக பொத்துவில் நீதவான் நீதிமன்ற நீதவான் எம்.ஐ.வாஹாப்தீன் விதித்தார்.

இவர்கள் அபராதத்தைச் செலுத்தத் தவறும் பட்சத்தில் 6 மாதங்கள் சிறைத் தண்டனை அனுபவிக்க நேரிடும் எனவும் நீதவான் உத்தரவிட்டார்.

கலால் திணைக்கள அதிகாரிகள் புதன்கிழமை (28) மேற்கொண்ட சோதனை நடவடிக்கையின்போது, பொத்துவில் பிரதேசத்தில் 35 வயதுடைய பெண் ஒருவரையும்; 60 வயதுடைய ஆண் ஒருவரையுமே கைதுசெய்ததாக பொலிஸார் தெரிவித்தனர்.