கல்முனையில் சட்டவிரோத ஆயுதங்களை ஒப்படைக்கும் காலஎல்லை நீடிப்பு

(அப்துல் அஸீஸ்)

கல்முனை பொலிஸ் பிரிவுக்குட்பட்ட பிரதேசத்தில்  சட்டவிரோத  ஆயுதங்களை ஒப்படைக்கும் காலஎல்லை  இம்மாதம் 30ஆம் திகதி வரை நீடிக்கப்பட்டுள்ளது.

கல்முனை பிரதேசத்தில் புழக்கத்திலுள்ள சட்டவிரோத ஆயுதங்களை இம்மாதம் 10ஆம் திகதிக்கு முன்னர் அப்பிரதேசத்திலுள்ள பள்ளிவாசல்கள் மற்றும் கோயில்களின் ஊடாக ஒப்படைக்குமாறு கல்முனை பொலிஸாரினால் கோரப்பட்டிருந்தது.

ஆயினும், குறிப்பிட்ட காலப்பகுதியில் இப்பிரதேசத்திலிருந்து ஒரு ஆயுதம் மாத்திரமே ஒப்படைக்கப்பட்டிருப்பதால், இதற்கான காலக்கெடு இம்மாதம் 30ஆம் திகதி வரை நீடிக்கப்பட்டுள்ளது என கல்முனை பொலிஸ் நிலையத்தின் பெருங்குற்றப்பிரிவுக்கு பொறுப்பான பொலிஸ் உத்தியோகத்தர் எஸ்.எம்.ஸதாத் தெரிவித்தார்.