அஷ்ரப் ஞாபகார்த்த வைத்தியசாலையில் நோய் நிர்ணய அட்டை

(எஸ்.எம்.எம்.றம்ஸான்)

கல்முனை அஷ்ரப் ஞாபகார்த்த வைத்தியசாலையில் முதன் முறையாக நோய் நிர்ணய அட்டை இன்று புதன்கிழமை வழங்கப்பட்டது.

கல்முனை அஷ்ரப் ஞாபகார்த்த வைத்தியசாலையில் நோயாளர்களின் நலன் கருதி வைத்திய சாலையின் நிருவாகம்  நோயாளர்களுக்குகென இலத்திரனியல் நோய் நிர்ணய அட்டைகளை வழங்கியுள்ளது.

வைத்தியசாலையின் வைத்திய அத்தியட்சகர் ஏ.எல்.எப்.றஹ்மான் தலைமையில் நடைபெற்ற இந்நிகழ்வில் மப்பேற்று வைத்திய நிபுணர் எஸ்.எம்.ஹில்மி சாலிஹ் நோயாளிகளுக்கு நோய் நிர்ணய அட்டைகளை வழங்கி வைத்தார்.

இந்த அட்டையை வழங்குவதன் மூலம் நோயாளர்கள் கவனயீனமாக அட்டையை தவறவிட்டாலும் வைத்தியசாலையில் ஆவணம் பதிவாக இருக்கும் என அஷ்ரப் ஞாபகார்த்த வைத்தியசாலையின் வைத்திய அத்தியட்சகர் ஏ.எல்.எப்.றஹ்மான் தமிழ்மிருக்கு தெரிவித்தார்.