சர்வதேச கைகழுவும் தினத்தையொட்டி வெஸ்லி உயர்தரப் பாடசாலையின் விழிப்புணர்வு ஊர்வலம்

(எஸ்.எல். அப்துல் அஸீஸ்)

சர்வதேச கைகழுவும் தினத்தை முன்னிட்டு கல்முனை வலய பிரிவுக்குட்பட்ட வெஸ்லி உயர்தரப் பாடசாலையினால் ஏற்பாடு செய்யப்பட்ட விழிப்புணர்வு ஊர்வலம் இன்று காலை இடம்பெற்றது.

பாடசாலை அதிபர் வி.பிரபாகரன் தலைமையில் இடம்பெற்ற இந்நிகழ்வில், ஆயிரத்துக்கு மேற்பட்ட மாணவர்கள் கலந்து கொண்டனர்.

பாடசாலை வளாகத்திலிருந்து ஆரம்பிக்கப்பட்ட இந்த ஊர்வலம் பிரதான வீதியினூடாக சென்று வாடிவீட்டு வீதியிலுள்ள சுனாமி வீட்டுத்திட்ட வளாகத்தில் கைகழுவும் நிகழ்வு ரீதியான செயற்பாட்டு கலை நிகழ்வுகளுடனும்  மாணவர்களின் கோஷங்களுடனும் நிறைவுபெற்றது.