அம்பாறை மாவட்டத்தின் சிறந்த உப அஞ்சலதிபராக எம்.எம்.ஏ முபாறக் தெரிவு

அம்பாறை மாவட்டத்தின் சிறந்த உப அஞ்சலதிபராக சாய்ந்தமருது ஆஸ்பத்திரி வீதி உப அஞ்சலதிபர் எம்.எம்.ஏ. முபாறக் தெரிவு செய்யப்பட்டுள்ளார்.

கிழக்கு மாகாண அஞ்சல் தின நிகழ்வு அண்மையில் அம்பாறையில் நடைபெற்றபோது இவருக்கான விருது அஞ்சல் மா அதிபர் எம்.கே.பி. திசாநாயக்கவினால் வழங்கப்பட்டது.

அம்பாறை மாவட்டத்தின் சிறந்த உப அஞ்சல் அதிபரான இவர் கிழக்கு மாகாணத்தின் உப அஞ்சல் அதிபர்களில் மூன்றாமிடத்தைப் பெற்றுக் கொண்டார்.

கடந்த வருடம் அகில இலங்கை ரீதியில் சிறப்பு விருது, அஞ்சல் திணைக்களத்தினால் இவருக்கு வழங்கப்பட்டது.

சுனாமியால் முற்றாக பாதிக்கப்பட்ட சாய்ந்தமருது ஆஸ்பத்திரி வீதி உப அஞ்சல் அலுவலகம் இவரது முயற்சியினால் சொந்த கட்டிடமொன்றில் இயங்கிவருகின்றது என்பது குறிப்பிடத்தக்கது.