ஒலுவில் - அட்டப்பள்ளம் எல்லையில் மயில்களின் நடமாட்டம்

(ஹனீக் அஹமட்)

ஒலுவில் -  அட்டப்பள்ளம் எல்லையில் மனித நடமாட்டமுள்ள பிரதான வீதியருகே கடந்த சில நாட்களாக பெருமளவிலான மயில்களின் நடமாட்டத்தைக் காணக்கூடியதாகவுள்ளது.

இதனை பொதுமக்களும் ஆச்சரியத்துடன் கண்டு ரசித்து வருகின்றனர்.

மிக அதிகளவில் கூட்டமாக இங்கு வந்துள்ள மயில்கள் மிகச் சாதாரணமாக, அங்குள்ள நெல்வயல்களில் உணவு பொறுக்குவதை நமது கமராவில் பதிவு செய்து கொள்ள முடிந்தது.

இதேவேளை, இந்த மயில்களை சிலர் வேட்டையாடுவதற்கு முயற்சி செய்வதாக அங்குள்ள மக்கள் புகார் தெரிவிக்கின்றனர்.

மயிலின் இறகு மற்றும் மயில் இறைச்சியிலிருந்து பெறப்படும் எண்ணெய் போன்றவற்றுக்காக மயில்கள் வேட்டையாடப்படுகின்றன.

இலங்கையில் மயில்கள் பாதுகாக்கப்பட்ட பறவையினம் என்பது இங்கு குறிப்பிடத்தக்கது.