'திறன்விருத்தியூடாக இன உறவுகளை கட்டியெழுப்புதல்' இருநாள் வதிவிட நிகழ்வு

(அப்துல் அஸீஸ்)

'திறன்விருத்தியூடாக இன உறவுகளை கட்டியெழுப்புதல்' எனும் தலைப்பிலான இருநாள் வதிவிட நிகழ்வுகள் சம்மாந்துறை பிரதேசத்தின் மஜீட்புர கிராமத்தில் நடைபெற்றது.

சம்மாந்துறை பிரதேசத்தை சேர்ந்த வீரச்சோலை, கணபதிபுரம், மஜீட்புரம் ஆகிய கிராமங்களை சேர்ந்த மூவின இளைஞர், யுவதிகளுக்காக ஏற்பாடு செய்யப்பட்ட இந்த வதிவிட நிகழ்வுகள்  ஐக்கிய நாடுகள் அபிவிருத்தி நிகழ்ச்சித்திட்ட நிதியுதவியுடன், சமூக அபிவிருத்திக்கான முன்னெடுப்பு நிறுவனம் ஏற்பாடு செய்திருந்தது.

ஐக்கிய நாடுகள் அபிவிருத்தி நிகழ்ச்சித் திட்ட அம்பாறை மாவட்ட கள அலுவலக  பொறுப்பாளர்  எம்.ஏ.எம். சக்கீன், சமூக அபிவிருத்திக்கான முன்னெடுப்பு நிறுவனத்தின் தவிசாளர் ஏ.ஜீ.எம்.அஸ்ரி ஆகியோர்கள் தலைமையில் நடைபெற்ற இந்நிகழ்வுகளில் திறன்விருத்தித் துறைசார்ந்த வளவாளர்கள்  மற்றும்   இளைஞர்; யுவதிகள், பெற்றோர்கள் , சிறுவர்கள் கலந்து கொண்டனர்.

இந்நிகழ்வின் இறுதியில் சிறுவர் கலை கலாசார நிகழ்வுகள்  நடைபெற்றதுடன், பயிற்சிநெறியில் பங்குபற்றிய இளைஞர், யுவதிகளுக்கான உபகரணங்களும் சான்றிதழ்களும் வழங்கப்பட்டன.